The Deliverance 2024 Sinhala Subtitles | “ ගැලවීම ” | සිංහල උපසිරැසි සමඟ

මේක 100% ක් ම සත්‍ය සිදුවීමක් මත පදනම් වෙච්ච කතාවක්! කතාවේ එන ඒ අද්භූත ගෙදර අවට අද වෙනකොටත් අමුතු සිදුවීම් සිදුවෙන බවට වාර්තා වෙලා තියෙනවා.

කතාව වෙන්නේ මෙහෙමයි, පීටර්ස්බර්ග්/පෙනිසිල්වේනියාවේ තියෙනවා ගෙයක්.. අඳුරු ඉතිහාසයක් තියෙන මේ ගෙදරට පවුලක් එනවා පදිංචියට.. පවුලක් කීවට අම්මයි, ළමයි තුන් දෙනයි, ආච්චියි තමා එන්නේ.. අම්මගේ නම එබොනි ජැක්සන්, ආච්චි ඇල්බර්ටා, ළමයි තුන්දෙනා වෙන්නේ නේට්, ඇන්ඩෲ සහ ෂැන්ටේ. මේ ගෙදර පහළ මාලයේ එහෙමත් නැත්තම් බේස්මන්ට් එකේ තියෙනවා කාලයක් තිස්සේ වහලා දාපු තට්ටුවක්.. දොරකින් තමා මේක උඩට සම්බන්ධ වෙන්නේ.. නිතර මේ දොර හරහා දුර්ගන්ධයක් වහනය වෙනවා වගේම මැස්සෝ එහේ මෙහේ පියාඹනවා.. ගෙදර අය දන්නේ නෑ මොකක්ද මෙතන තියෙන්නේ කියලා.. කතාවේ මුල ඉඳන්ම ඇන්ඩෲ එහෙමත් නැත්තම් ඩ්‍රේ කියන පුංචිම පිරිමි ළමයා වෙලාවකට මේ දොර ඇරගෙන පාතට යන එක පුරුද්දක් කරගෙන තියෙනවා.. ඒ කරලා උඩට ඇවිත් තනියම කාත් එක්කදෝ කතා කරන්න ගන්නවා.. මොකක්ද මේ? අමනුෂ්‍යය දෝෂයක්ද? අවතාරයක්ද? ප්‍රේතයෙක්ද? යක්ෂයෙක්ද? මොකක්ද මේකේ අරමුණ? වගේ කරුණු ඉස්සරහට ඔයාලට බලාගන්න පුළුවන් වෙනවා..

චරිත ගැන පොඩි දෙයක් කීවොත්, එබොනි කියන්නේ තමන්ගේ මහත්තයා නැතුව ළමයි තුන්දෙනා හදාගෙන ඉන්න ටිකක් සෙල්ලක්කාර කමට බර ගෑණු කෙනෙක්.. මෙයා නිතරම මත්ද්‍රව්‍යය, මත්පැන්, දුම්වැටි වගේම ගංජා පාවිච්චි කරන කෙනෙක්.. කොයිවෙලෙත් කුණුහරපයක් කියාගත්ත ගමන් ඉන්න කෙනෙක්.. මෙයාගේ අම්මත් මෙයාට දෙවෙනි නෑ එයත් මේ විදිහෙම සෙල්ලක්කාර ගති තියෙන කෙනෙක්.. මොනවා වුණත් මේ දෙන්නම විශේෂයෙන් එබොනි ළමයි තුන්දෙනාට පණ ඇරලා ආදරෙයි.. ඉතින් අපි බලමු එබොනිට තමන්ගේ ළමයි මේ කරදරෙන් ආරක්ෂා කරගන්න පුළුවන් වෙයිද බැරිවෙයිද කියලා.

වැඩිහිටියන්ට පමණයි ගණයට අයත් නොවෙන චිත්‍රපටියක් මේක.. ඒත් කතාවේ රසය රැකගන්න ඕන හින්දා නිතරම පාවිච්චි වෙන අසභ්‍යය වචන සැර බාල කරලා වුණත් දාන්න සිද්ධවුණා.. ඒත් නිරුවත් දර්ශන මුකුත් අන්තර්ගත වෙන්නේ නෑ.

මගේ පෞද්ගලික මතය වෙන්නේ කතාවේ IMDb අගය 5.1 වුණත් මීට වඩා Rating එකකට මේ චිත්‍රපටිය සුදුසුයි..

Ebony Jackson, a struggling single mother fighting her personal demons, moves her family into a new home for a fresh start. But when strange occurrences inside the home raise the suspicions of Child Protective Services and threaten to tear the family apart, Ebony soon finds herself locked in a battle for her life and the souls of her children.

• English