Ayogya 2019 Sinhala Subtitles | යුක්තියට යට වූ අධමයා ! [සිංහල උපසිරසි සමඟ]

පොඩි කාලේ ඉදන්ම අනාථයෙක් විදියට හොරකම් කරමින් හැදී වැඩුණ කර්නන් දවසක්දා කෙනෙක් වෙනුවෙන් හොරකම් කරලා පොලීසියට මාට්ටු වුණාට පස්සේ ඒ කෙනත් ඇවිත් පොලීසියට පගාව දීලා තමන්ගෙ කොල්ලො ටික බේරගන්නවා දැකල කර්නනුත් හිතා ගන්නවා කවදා හරි දවසක පොලිස් කාරයෙක් වෙනව කියල,මොකද නිළ ඇදුම දාගෙන ඕනෙම ජරා වැඩක් කරල සල්ලි හොයන්න පුලුවන් කියන දේ පොඩි කාලෙදිම කර්නන්ගේ හිතේ කෙටිල තිබුණා.ඒ නිසා කර්නන් පොඩි කාලෙදිම මහන්සිවෙලා තැන තැන දවල් වැඩ කරලා රෑට පාඩම් කරල ඉගෙන ගෙන කොහොම හරි පොලිස් කාරයෙක් වෙන්න උත්සාහ කරනවා.කොහොම හරි 10 වසර අමාරුවෙන් සමත් කරගන්නවා.පස්සෙ උපාධිය ගන්න තව අවුරුදු ගාණක් යයි කියල හිතල කොහොම හරි පොලිස් කාරයෙක් වෙන්න ඕනෙ නිසා හොර සහතික හදල ඉන්ස්පෙක්ටර් කර්නන් විදියට පත්වෙලා ගිහින් එයාටම හොරකම උගන්නපු හොර නායකයට කොහොමද හොරකම් කරන්නෙ කියල උගන්වනවා.ඔහොම වැඩ කරගෙන ඉද්දි හදිසියෙම මැරයෙක්ගෙ උවමනාවට කර්නන්ව ගමේ ඉදන් ඇමතියෙක් මාර්ගයෙන් නගරයට මාරු කරනවා. නගරයට ගියපු පළමු දවසෙම මැරයගෙ මල්ලිලා 4 දෙනාව හිරෙන් පන්නන්න වැඩ සිද්ද කරනවා. මේ මැරයත් එක්ක එකතුවෙලා සල්ලි වෙනුවෙන් කරන්න පුලුවන් හැම අසික්කිත වැඩක්ම කරගෙන ඉන්නවා.

ඔයාල දන්නවා මම වැඩිය විස්තර කරන්න කැමති නෑ කියල,ඉතින් කෙටියෙන් කියන්නම්. පොලීසියේ වැඩ කරගෙන ඉන්න ගමන් ගැහැණු කෙනෙක් කියනවා එයාගෙ දුව දවස් දෙකක් තිස්සේ අතුරුදහන් වෙලා කියල.ඒක කියල දවස් දෙක තුනකට පස්සේ ඒ ගෑණු කෙනා ඇවිත් ආපහු ඒ ගැන අහපුවාම ඉනස්පෙක්ටර් කර්නන් කියනව ඒ දවසෙම තවත් කොල්ලෙක් අතුරුදහන් වෙලා තියෙනවා, ඒ දෙන්නම පැනල ගිහින් කියල.මේක විශ්වාස කරල ඒ ගෑණු කෙනා යන්නට යනවා. ඔය අතරේ කර්නන් සත්තු ඇති කරන කෙල්ලෙකුට පෙම් බදිනවා.මෙයාගෙ උපන් දිනේදී වෙන කෙනෙක්ගෙ බයික් එකක් අරගෙන ගිහින් කෑම ගන්න සූදානම් වෙන අතරේ කර්නන්ගෙ කෙල්ල, සින්දුව පැහැර ගෙන මරන්න තැත් කරනවා .ඒ වෙන කවුරුත් නෙමෙයි. අර මැරයා කාලිරාජන්මයි. පස්සෙ තමයි දැනගන්නෙ ඒ සින්දු නෙමෙයි අර බයික් එකේ ආව කෙල්ල කියල රැවටිලා සින්දුව උස්සල තියෙන්නෙ කියල.ඒ කිව්වත් කර්නන් සින්දුට තියෙන ආදරේට කාලි රාජන්ගෙ සගයන්ට ගහනවා. පස්සෙ සින්දු කියනවා එයා ඉල්ලපු උපන්දින තෑග්ග විදියට කාලිරාජන්ව මරන්න යන කෙල්ලව බේරල දෙන්න කියල.ඉතින් මොනා කරන්නද. කර්නන් කොහොම හරි කාලිරාජන් මරන්න යන කෙල්ලව බේරගන්නවා. ඊට පස්සෙ ඒ කෙල්ල,සන්ධ්‍යා… එයා කියන කතාව තමයි චිත්‍රපටයේ හැරවුම් ලක්ෂ්‍යය.එහෙනම්… ඉතුරු ටික ෆිල්ම් එක බලලම හොයාගන්න කියල හැමෝටම කියන ගමන්..

• Tamil