Indra 2025 Sinhala Subtitles | “ දාම ඝාතකයාගේ පලිගැනීම ” | සිංහල උපසිරැසි සමඟ

Indra 2025 Sinhala Subtitles | “ දාම ඝාතකයාගේ පලිගැනීම ” | සිංහල උපසිරැසි සමඟ

ඉන්ද්‍රා කියන්නේ වැඩ තහනමකට ලක් වෙච්ච පොලිස් නිලධාරියෙක්. එයාගේ දිගු කාලින පෙම්වතිය වුනු කායල් එක්ක එයා විවාහ වෙනවා. කාලයක් යද්දී කායල් සියදිවි නසා ගන්නවා.. නමුත් ඉන්ද්‍රා කෙලින්ම මිනිමරුවාව හොයන්න එලියට බහින්නේ නැවතත් තමන්ගේ රස්සාවට එන ගමන්ම. ඒ අතරවාරයේ අභිමන්යු කියන දාම ඝාතකයා චෙන්නායි පැත්තේ කාන්තාවන් මරණ දාම ඝාතකයෙක්. එක දිනක් මන්ත්‍රීගේ නෑ කෙනෙක් සමග බාර් එකේ වලියක් දාගත්තු අභිමන්යු පොලිසියට අහුවෙනවා. ඒ නඩුව මෙහෙයවපු කොස්තාපල් මේ අභිමන්යුව තියාගෙන දවසකට හරියන්න ගුටියක් දීලා එයාව නිදහස් කරනවා පසු දිනයේම.

නමුත් අභිමන්යු පළිගැනීමේ චේතනාවෙන් ඒ කොස්තාපල් ව මරන්න යද්දී ඉන්ද්‍රා කොස්තාපල්ව බේරාගන්නවා. ඒ අස්සෙම ඉන්ද්‍රා සහ අභිමන්යු දෙන්නා අතරේ වලියක් දාගන්නවා. අවසානයේදී තිරුවාන්මියූර් පොලිසියේ දැන් වැඩ කරන ඉන්ස්පෙක්ටර් නාගේන්ද්‍රගේ අත්අඩංගුවට පත් වෙනවා. නමුත් මේ කෙනා කියන්නේ තමන් මිනිස්සු 28ක් මැරුවත් තමන් හිටපු පොලිස් නිලධාරියාගේ බිරිද වුනු කායල්ව මරලා දැම්මේ නෑ කියලා. ඝාතකයා හොයන වැඩේ කොහොමද වෙන්නේ සහ ඝාතකයා කවුද කියන දේ තමයි මේ කතාවේ ඉතිරිය.

සුපර්ස්ටාර් රජිනිකාන්ත්ගේ ජේලර් චිත්‍රපටයේ මුත්තුවේල් පාන්ඩියන්ගේ පුතාගේ චරිතය රගපාපු වසන්ත් රවීව කාටවත් අමතක නොවෙන්න ඇති. ඔහු ඩොක්ටර් කෙනෙක් කියලා සමහර විට දන්නවා ඇති. ඔහු රංගනයෙන් දායක වෙලා තියෙන්නේ අඩු චිත්‍රපට ගණනක වුවත් ඉතා හොද රංගනයක නිරත වෙනවා. මොහුගේ මීලග චිත්‍රපට මොනවාද යන්න කිසිම සදහනක් නෑ. ඔයාලා සත්‍යරාජ් රගපාපු ‘Weapon’ චිත්‍රපටය බැලුවනම් එයාව කොහොමටවත් අමතක නොවේවි. ඒකේ උපසිරැසි අපේ වෙබ් අඩවියේ තියෙනවා. අරගෙන බලන්න කියලා ආරාධනා කරනවා.

ආධුනික අධ්‍යක්ෂක වරයෙක් වුනු සබරිෂ් නන්දා විසින් අධ්‍යක්ෂණය කරපු මේ චිත්‍රපටය තමයි ‘Indra’. ත්‍රිලර් ඇක්ෂන් ගණයට අයිතී වෙන මේ චිත්‍රපටයේ රචනය අධ්‍යක්ෂකවරයා විසින්මයි කලේ. නිෂ්පාදනය ජාෆර් සාදික් සමගින් ඉර්ෆාන් මාලික්ගෙන්. සංගීතය අජ්මාල් ටහ්සීන්ගෙන්. මේක නිකුත් කරන්නේ මේ අවුරුද්දේ අගෝස්තු 22 වෙනිදා. මේකේ ධාවන කාලය පැය 2යි විනාඩි 6ක්.

රංගනයෙන් වසන්ත් රවීට අමතරව මෙහ්රින් පිරාදා, අනිකා සුරේන්ද්‍රන්, සුනිල්, රාජ්කුමාර්, කල්යාන්, ජීවා රවී වගේ රංගන ශිල්පින් රැසක් රංගනයෙන් දායක වෙනවා.

මෙහ්රින් පිරාදාගේ මීලග චිත්‍රපටය කන්නඩ සිනමාවට පිවිසෙන ඇයගේ පළමු චිත්‍රපටය වෙනවා. ඒ හැර වෙන කිසිම සදහනක් නෑ.

මේ චිත්‍රපටය වෙනුවෙන් IMDB දර්ශකය 6.8/10ක් මෙයට ලබා දීලා තියෙනවා. මේ චිත්‍රපටයේ ඩිජිටල් පිටපත් Sun NXT හරහා සැප්තැම්බර් 19 වෙනිදා මුදා හැරෙනවා.

• Indra
• Sinhala Subtitles
• Tamil
• සිංහල උපසිරැසි සමඟ