Highlander: Endgame 2000 Sinhala Subtitles | සිංහල උපසිරැසි සමඟ

Highlander: Endgame 2000 Sinhala Subtitles | සිංහල උපසිරැසි සමඟ

ලොව පුරා අතිශය ජනප්‍රිය වුණු “Highlander” සිනමා විශ්වයේ හතරවැනි දිගහැරුම ඔබ වෙත අරගෙන ආවා.
මම මීට කලින් මෙම සිනමා මාලාවේ දෙවැනි (Highlander II: The Quickening) සහ තෙවැනි (Highlander III: The Sorcerer) චිත්‍රපට සඳහා උපසිරැසි ලබා දුන්නා මතක ඇති. පළමු චිත්‍රපටය හැර මෙම සිනමා මාලාවේ අනෙකුත් සියලුම නිර්මාණ උපසිරැසි ගැන්වීමේ වගකීම මම බාරගත් නිසා, අද එහි හතරවැනි කොටස වන “Highlander: Endgame” මෙලෙස ඉදිරිපත් කරනවා. ඒ වගේම මෙහි පස්වැනි චිත්‍රපටයත් (Highlander: The Source) ඉතා ඉක්මනින්ම ඔබ වෙත ගෙන එන බව සතුටින් මතක් කරනවා.
චිත්‍රපටය ගැන කෙටියෙන්: මෙම චිත්‍රපටයේ ඇති සුවිශේෂත්වය තමයි, Highlander සිනමා මාලාවේ ප්‍රධාන චරිතය වන කොනර් මැක්ලවුඩ් (Christopher Lambert) සහ Highlander රූපවාහිනී කතාමාලාවේ ප්‍රධාන චරිතය වන ඩන්කන් මැක්ලවුඩ් (Adrian Paul) යන දෙදෙනාම ප්‍රථම වතාවට එකම තිරයක් තුළ මුණගැසීම.
වසර ගණනාවක් පුරා තමන් ආදරය කරන අය මියයනු බලා සිටීමෙන් හෙම්බත් වී සිටින කොනර්, “සැන්ක්චුවරි” (Sanctuary) නමැති ආරක්ෂිත ස්ථානයකට වී විශ්‍රාම සුවයෙන් පසුවෙනවා. නමුත් අතීතයේ සිට පැමිණෙන ඉතා බලවත් සහ දරුණු අමරණීය සතුරෙකු වන “ජේකබ් කෙල්”, සියලුම අමරණීයයන් මරා දමමින් තම බලය වැඩිකර ගැනීමට උත්සාහ කරනවා. මෙම බලවත් සතුරාව පරාජය කිරීමට නම් අමරණීයයන් දෙදෙනාටම එකට එකතු වීමට සිදුවෙනවා. නමුත් “අවසානයේ ඉතිරි විය හැක්කේ එක් අයෙකු පමණි” (There can be only one) යන නීතිය හමුවේ ඔවුන්ට මුහුණ දීමට සිදුවන අභියෝගය කුමක්ද?

• English
• Highlander: Endgame
• sinhala sub
• sinhala subtitle movie
• Sinhala Subtitles
• සිංහල උපසිරැසි සමඟ