Solitarium 2025 Sinhala Subtitles | “ තනිකමේ අරගලය ” | සිංහල උපසිරැසි සමඟ

Solitarium 2025 Sinhala Subtitles | “ තනිකමේ අරගලය ” | සිංහල උපසිරැසි සමඟ

2025 පෙබරවාරි මාසයේ නිකුත් වුනු ප්‍රංශ (French) චිත්‍රපටියක්. හැමදාම බලන ජාතියේ කතා වලින් මිදිලා, ජීවිතේ දිහා වෙනස් විදිහකට බලන්න කැමති අයට මේක හොඳ අත්දැකීමක් වෙයි කියලා හිතුනා.

මේ Solitarium කියන නම හැදිලා තියෙන්නෙ “Solitude” නැත්නම් “තනිකම/හුදකලාව” කියන වචනෙත් එක්ක. මේ මුළු කතාවම ගෙතිලා තියෙන්නෙත් තනිකම කියන මාතෘකාව වටා. කතාවේ ප්‍රධාන චරිතය තමයි ආතර් මෝහන් (Arthur Morhan) කියන මනෝ වෛද්‍යවරයා. මෙයා ගාවට එන රෝගීන් එක එක ජාතියේ අය. සමාජයෙන් හැංගිලා ඉන්න තාපසයෙක්, හීන බොඳ වුනු සුපර් මාකට් කැසියර් කෙනෙක්, රස්සාවක් නැතුව රස්තියාදු වෙන කෙනෙක් සහ මනඃකල්පිත යාළුවෙක් එක්ක තනි වුනු පොඩි ළමයෙක්… මේ හැමෝම තමන්ගේ තනිකම එක්ක කරන අරගලය තමයි මේ ෆිල්ම් එකෙන් පෙන්නන්නෙ. හැබැයි ලොකුම ට්විස්ට් එක තමයි, අනිත් අයගේ ප්‍රශ්න විසඳන මේ දොස්තරත් ඉන්නෙ පිස්සු හැදෙන තත්වෙක කියන එක.

මෙතනින් එහාට කතාව කියන්න යන්නෙ නෑ. මේක Drama සහ Comedy කියන කොටස් දෙකටම අයිති වෙන, ටිකක් ගැඹුරු විදිහට හිතන්න පුළුවන් කතාවක්. Raoul Dattola තමයි මේක අධ්‍යක්ෂණය කරලා තියෙන්නෙ. ජීවිතේ පාළුව, තනිකම වගේ දේවල් ගැන හරිම අපූරු විදිහට, ඒ වගේම සමහර තැන් වල හිනා වෙන්න පුළුවන් විදිහට මේක නිර්මාණය කරලා තියෙනවා. එහෙනම් වෙනස් රසයක් හොයන අයට මේක බලන්න කියලා ආරාධනා කරනවා.

• English
• sinhala sub
• sinhala subtitle movie
• Sinhala Subtitles
• Solitarium
• සිංහල උපසිරැසි සමඟ